Friesisch - Frasch

Corona-informasjoone aw frasch

Da naiste deeglike tisinge aw tjüsch fine jam bai “Aktuelle Lagemeldungen“.

Haanewisen: Ofisiäle dokumänte amt ferlinken foon en treed sid, wat ai aw frasch tu stääse san, hääwe we for jam, wan’s foon e treed sid tu räi san, aw tjüsch tugainglik mååged.

Informasjoone tu e in- än tubäägräis eefter Slaswik-Holstiinj

Informasjoone fort imfen foont Robert Koch-Instituut

Snaltästs

Snaltästs – wat as dåt än weertu san’s eegent?

Ouers as bai e klasische PCR-täst wårde PCR-snaltästs ai amståndlik önjt laboor, ouers diräkt eeftert tästen bewjardet. Sü lait et riseltoot ål bane e kortest tid for. Wat en oueremätje grut tidspååren bedjüset.

Et forgungen as deerbai bit awt ütwjarden idäntisch ma e klasische CPR-täst. Bai en snaltäst wårt uk en präiw üt e müs-swåli-rüm ütnümen än aw en infäksjoon unersoocht.

Tubai et tidspååren jeeft et fåli was nuch oudere punkte, weerönj da biise metoode jam unerschiise. Tum jarsten san da snaltästs maner äimfüli. Et koon ålsü jarst lääser önj e infäksjoonsferluup, wan en gruteren wiirusmaingde forkamt, e süükdoom bai jüheer momäntapnoome fååststald wårde. Tum ouderen bestoont näist en huuger fäägletål uk et riisikoo, huumseelew eefter en neegatiif tästriseltoot inönj en ferkiird sääkerhäid tu taintjen än fülilik huumseelew unti oudere  ma e wiirus önjtusteegen.

Önj ferdåchtsfåle as ålsü widere di naue PCR-täst et madel foon e keer, sü as’r uk foont sünhäidsåmt önjordeniird wårt. Snaltästs koone heerfor aptu inseet wårde. Döör raigelmääsie tästdöörfääringe t.b. önj pläägeinruchtinge koone eeder krunkhäide fååststald än infäksjoonskääde aphülen unti unerbreegen wårde.

Widere beheelplike links

Aw e websid foon e awdreegster foon e Bundesregiiring for migrasjoon, flüchtlinge änintegrasjoon jeeft et luupend aktuäle Corona-informasjoone tu ünlike teeme: Wat jam nü ouer Corona waase mönje aw tjüsch

Informasjoone än praktisch haanewisen tut Coronawiirus foon Ethno-Medizinisches Zentrum aw tjüsch

Luupend aktualisiirde mörspräkie informasjoone foon e EU-likbehoonlingsstää aw tjüsch